Музей – мәдени-тарихи және ғылыми құндылықтарды сақтайтын, жәдігерлер арқылы мәліметтерді жинақтап, зерттеп-зерделеп, бабаларымыздан қалған мұраларды өскелең ұрпаққа мирас етіп қалдыратын, мәдени құндылықтар арқылы рухани нәр беретін тарихи қалыптасқан көп қырлы әлеуметтік ақпараттар институты.

Қазақстан Республикасы Қарулы Күштері Ұлттық әскери-патриоттық орталығының Әскери-тарихи музейінде 2016 жылдың 14 желтоқсан күні сағат 14.00-де Қазақстан Республикасы  Тәуелсіздігінің 25 жылдығына, 1916ж. Ұлт-азаттық көтерілісінің 100 жылдығына, Әлихан Бөкейханұлының 150 жылдық мерейтойы мен Музейдің ашылғанына бір жыл толуына орай «Ұлы Дала: Әскери тарих» атты ғылыми-практикалық конференция және «Алаш Орда әскері» мен  XVI – XVІІ ғасырларда өмір сүрген «Айдарбек батыр Өрісұлының ақ сауыты» тарихына арналған жаңа көрмелерінің ашылуы өтеді, деп хабарлайды kazmuseum.kz сайты.

Ә. Қастеев атындағы ҚР Мемлекеттік өнер музейінде 2016 жылғы  9 желтоқсанда сағат 16:30-де «Тәуелсіздік үшін!» атты 1916 жылғы ұлт-азаттық көтерілістің 100 жыл толуына арналған көрме ашылады, деп хабарлайды kazmuseum.kz сайты. 

Ә. Қастеев атындағы ҚР Мемлекеттік өнер музейі Қазақстан Республикасы Тәуелсіздігінің 25 жылдығына орай жариялаған «Бабалар аңсаған Тәуелсіздік» ұлттық конкурсына арналған брифинг өткізеді, деп хабарлайды kazmuseumkz сайты.

Қазақстан Республикасы Ұлттық музейінде 2016 жылғы 7 желтоқсанда 16.00-де Тәуелсіздіктің 25 жылдығына арналған салтанатты жиын өтеді, деп хабарлайды kazmuseum.kz сайты.

«Есік» мемлекеттік тарихи-мәдени қорық-музейінде Жетісу жартас суреттеріне арналған «Тастар сыр шертеді» атты көрменің ашылу салтанаты өтті.