Анонс


Отырар музей-қорығында музейдің негізін қалаған тұлғаға арналған экспозиция ашылды

Дүйсенбі, 01 Қараша 2021 15:57
Отырар музей-қорығында музейдің негізін қалаған тұлғаға арналған экспозиция ашылды KAZMUSEUM.KZ -  

«Отырар - қазақ өркениетінің алтын діңгегі» - деп, Елбасымыз Н.Ә. Назарбаев айтқандай Отырар өңірі  талай тарихи тұлғаларды  дүниеге әкелген киелі өңір. Солардың бірі ақын, суретші «музей адам атанған», тарихшы-ұстаз Асантай Әлімұлы халқымыздың мол мәдени мұрасын жинақтаған ұстаз еді. Тек сақтап ғана қойған жоқ, қысы-жазы тынымсыз ел мен жер аралап тапқан асыл рухани мұраларды ғылыми жүйелеп, «Отырар» мемлекеттік археологиялық қорық-музейінің негізін қалап, келер ұрпақтың мәңгілік игілігіне айналдырды.

Еліміздің 30 жылға толып отырған қастерлі Тәуелсіздігіміздің тағылымы мол тарихында алтын әріппен жазылатын жетістіктері мен мақтанатын тұстары көп. Халқымыздың өткені мен бүгіні туралы рухани асыл қазыналарымызды жинақтап, музей ісінің білікті мамандарының мәліметі, ел тарихын тереңінен қозғап, ғажайып шежіресін тізген зерделі зерттеушілердің еңбектері жұмыстың сапасын арттырып, нәтижелерін қорытындылауды қажет етеді. Осыған орай, Түркістан облысы, Отырар ауданындағы Отырар мемлекеттік археологиялық музей-қорығында киелі Отырар өңірінің тарихын насихаттайтын Отырар қорық-музейдің көпжылдық тарихын көпшілікке таныту мақсатымен музей ғимаратында «Отырар эрмитажы» тақырыпты экспозициясы ашылды. Экспозицияны жасауда музейдің негізін қалаушы Асантай Әлімұлының Отырар жерінде музей ашудағы өнегелі еңбектерін, сонымен қатар Отырар музейінің ұлттық мәдени мұраларымызды қастерлеп бүгінге жеткізу, өскелең ұрпақтың санасына тарихи құндылықтарымызды қасиет тұтып қастерлеуді сініру жолындағы атқарған қызметтері мейлінше ашып көрсетілген.

Тақырыптық экспозициядан «Музей адам» - Асантай Әлімұлы және музейдің құрылу тарихы мен жетістіктері туралы музей қорынан және басқа да дерек көздерден тарихи құжаттар, фотосуреттер және заттай жәдігерлерді тамашалай аласыздар.

1300 рет оқылды
comments powered by HyperComments
JoomShaper