Тізілімге «Есік жазуы: Есік қорғанынан табылған күміс тостағандағы түркі руна жазуы» және «Мәшһүр Жүсіп Көпеевтің баспа басылымдары жинағы» енді.
Қос мұра тізілімге енгізілуі Қазақстанның тарихи-мәдени мұрасының халықаралық деңгейде мойындалғанын айғақтайды. Өз кезегінде бұл еліміздің мұрасын шетелде кеңінен танытуға мүмкіндік береді.
«Есік» тарихи-мәдени музей-қорығының хабарлауынша, екі номинацияны да аталған жиында музей-қорықтың ғалым-хатшысы Мөлдір Ерболқызы Тынайқұлова қорғаған.
