Көрмеге қазақ зергерлері Сержан Бәшіровтің, Бақтияр Артықбаевтың, Мұрат Дүйсеновтің, Дәулет Иманғалиевтің, «AMINA JEWELS KAZAKHSTAN» зергерлік бұйымдары қойылды.
«Бұл көрменің қазақ мемлекеттілігінің 550 жылдығы қарсаңында ашылуының зор мәні бар. Қазіргі қоғам үшін ата-бабамыздың дәстүрлерін жалғастырып, сақтай білудің маңызы үлкен. Өнердегі сабақтастық болуы тиіс, біздің жеріміз қашан да зергерлер өнерімен даңқы шыққан», - деді ҚР Ұлттық музейінің директоры Дархан Мыңбай.
Айта өтейік, көрме 25 желтоқсанға дейін жалғасады. Көрмені Сіздер Астана қаласы, Тәуелсіздік көшесі, 54 мекен жайында орналасқан Ұлттық музейіндегі көрме залдарынан тамашалай аласыздар.
