Көрмеге Алматы қаласы музейлерінің бірлестігі қорынан 220-дан астам экспонат қойылды. Экспозиция негізін қазақ халқының тұрмысы мен дәстүрлері, қолданбалы өнері туралы баяндайтын этнографиялық артефактілер құрайды.

Көрменің ашылуына Сербия Президенті Александр Вучичтің жұбайы Тамара Вучич ханым, Сербия Президентінің мәдени мәселелер жөніндегі кеңесшісі Деян Савич мырза, Сербияның саяси қайраткерлері, дипломатиялық корпус, академиялық және ғылыми топтардың өкілдері, қоғамдық ұйымдардың басшылары, мәдениет қайраткерлері және БАҚ өкілдері қатысты.

Қазақстан Республикасының Сербиядағы елшісі Мәди Атамқұлов өз сөзінде Ұлы дала халқының тарихы мен мәдениетін, көшпелі өркениет дәстүрлерін, тұрмысын, қазақ көшпенділерінің философиясы мен дүниетанымын таныстыру болып табылатынын атап өтті.  Ұлы дала халқының тарихы мен мәдениетін бейнелейтін Балқан түбегінде алғаш рет ұйымдастырылған көрме екенін атап өтті.

Көрме 2025 жылғы 12 қаңтарға дейін жалғасады.

Айта өтейік, осыған дейін Алматы қаласы музейлер бірлестігі Алматы әкімдігінің қолдауымен халықаралық мәдени ынтымақтастықты дамыту шеңберінде Италия, Австрия, Түркия, Оңтүстік Корея, Прага, Венгрияда көрме өткізіп, Францияда Ұлттық ескерткіштер орталығы және Сингапурдың Ғылыми орталығында музей мамандарының біліктілігін арттырған болатын.