Қаулы жобасына ҚР Президенті қол қойған жағдайда «Мемлекеттік мәдениет ұйымдарына, жекелеген кәсіби көркем, шығармашылық ұжымдарға «Ұлттық» мәртебе берудің қағидасы мен шарттарын бекіту туралы» Қазақстан Республикасы Президентінің 2011 жылғы 10 мамырдағы № 76 Жарлығына мынадай өзгерістер енгізілуі мүмкін:

кіріспе мынадай редакцияда жазылады:

«Мәдениет туралы» Қазақстан Республикасының Заңына сәйкес ҚАУЛЫ ЕТЕМІН:»;

Жоғарыда аталған Жарлықпен бекітілген Мемлекеттік мәдениет ұйымдарына, жекелеген кәсіби көркем, шығармашылық ұжымдарға «Ұлттық» мәртебе берудің қағидалары мен шарттарының 1-тармағы мынадай редакцияда жазылуы мүмкін:

«1. Осы Мемлекеттік мәдениет ұйымдарына, жекелеген кәсіби көркем, шығармашылық ұжымдарға «Ұлттық» мәртебе берудің қағидалары мен шарттары (бұдан әрі – Қағидалар) «Мәдениет туралы» Қазақстан Республикасының Заңына сәйкес әзірленген және мемлекеттік мәдениет ұйымдарына, жекелеген кәсіби көркем, шығармашылық ұжымдарға «Ұлттық» мәртебе берудің тәртібі мен шарттарын айқындайды.»;

2-тармақтың 2) тармақшасының екінші абзацы мынадай редакцияда жазылуы мүмкін:

«Қазақстан Республикасы Президентінің тапсырмасымен болған жағдайларды қоспағанда, кемінде жиырма бес жыл тұрақты және тиімді қызметті жүзеге асырып келе жатқан;».

Айта өтейік, қазіргі уақытта Қаулыға өзгерістер жоба күйінде жарияланды.