Семинар мақсаты – тарихи пәндердегі өзекті мәселелерді талқыға салу, жекелеген тақырыптар бойынша ғылыми баяндамаларды тыңдау және талқылау ұйымдастыру, ғылыми зерттеулердің жаңа бағыттары бойынша пікір алысу, тәжірибе алмасу.
Ғылыми семинар барысында этнография, этнология, әлеуметтік антропология, мәдениеттану және өлкетану саласында соңғы үш жылда жазылған және ғылыми басылымдарда жарық көрген студент, магистрант, докторант, жас ғалымдардың мақалаларына, кітаптарына сыйлық табысталды.
Сонымен қатар, «Nomadius» этнографиялық музейі семинарға қатысушыларға арнап, Бурабай аймағындағы киелі ескерткіштермен танысу шараларын, этнографиялық зерттеу жұмыстарын өткізді.
