Акцияның басты мақсаты ұлтымыздың ұлы тұлғаларының өмірі мен шығармашылығына байланысты құнды жәдігерлерді музей қорына қабылдау. Акция Астана және Алматы қалаларында да ұйымдастырылған болатын. Нәтижесінде 700-ге жуық құнды жәдігер Ұлттық музейдің экспонаттар қатарына қосылды. Ол жәдігерлердің арасында Кенен Әзірбаев, Шәмші Қалдаяқов, Жұмекен Нәжімеденов, Ілияс Жансүгіров, Жұмабек Тәшенов, Қасым Қайсенов тағы да басқа ұлтымыздың біртуар ұл-қыздарының өмірі мен шығармашылығына қатысты құнды жәдігерлер бар.
Құрметті оқырман, «Ұлттық музейге сый тарту» республикалық акциясына қатысып, ұлтымыз үшін маңызды шараға атсалысам десеңіз, Ұлттық музей қызметкерлеріне хабарласуларыңызға болады. Тел: 8(7172) 91-90-35. (ішкі 335, 400). Мекен-жайы: Астана қаласы, Тәуелсіздік даңғылы 54.
