«Бұл Съездің тарихы өте бай. Біз тікелей диалог жасаудың мол тәжірибесін жинақтадық. Өзара түсіністік дәстүрлерін қалыптастырдық. Діндер мен өркениеттердің байланысын нығайттық. Сондықтан, мен Астанадағы осы ғимаратта Бейбітшілік пен келісім музейін құруды ұсынамын. Менің идеямның мәні осы Бейбітшілік және келісім сарайының ішінде барлық бітімгердің Құдайға сыйынатын, зиярет ететін орындары болса деген ойда жатыр. Бір қақпадан кіріп Құдайға тәубе етіп, бір қақпадан шығып бір-біріңізге сеніммен қарасаңыздар деп ойладым. Менің ойымша, бұл діндер мен халықтардың бейбітшілігі мен түсіністігін нығайту үшін маңызды болмақ. Сондай-ақ, бұл мұражай Съезд жанындағы ғылыми мекеме болып, діндер мен мәдениеттер диалогының тарихын зерттейтін болады», - деді Елбасы.
Майгүл СҰЛТАН
