Әлжан Жалғасбаев - сұрапыл соғыста 7 орден алған ардагер. Ол 1920 жылы дүниеге келген, Қызылорда облысының тумасы. Дүниеден өткеніне 10 жыл болып қалған ардагердің аты жақында Тасбөгет ауылының бір көшесіне берілетін болып отыр. 

Жалғасбаевтың жорық жолы Мәскеу қаласындағы По­дольск артиллерия училищесінен бас­талған. Оқуын «өте жақсы» де­ген бағалармен бітіріп, лейтенант шенін алған. Ұрысқа училище бас­ты­ғынан 32 рет «алғыс» алып кір­ген. Әлжан Жалғасбаев сол бойы майданға аттанып кеткен. 1941 жы­лы Мәскеу­дің Можайск маңын­дағы ұрыста курсант формасымен зеңбірек расчетының командирі бол­ған Әл­жан «Ерлігі үшін» ме­далімен орала­ды. Бұл оның бірінші жауынгерлік марапаты болған екен.

анды шайқаста ардагер Батыс майдан, Брянск Балтық бойы май­даны, Үшінші Беларусь майданын­да жорыққа шыққан. Бұл соғыста 50-ден аса қалалар, стансалар мен елді мекендерді жау қолынан азат ету үшін күрескен. Оның ішінде Мәс­кеу маңындағы Можайск, Клин қоныстары мен Ильин стан­са­лары, Орел, Брянск, Витебск, Прейш, Каукеман, Велау, Аллебург, Летцен, Шауляй-Добэл қалалары­нан басталып, Будапештт, Вена, Данциг және Шығыс Пруссиядағы Кенигсберг болып жалғаса берген. Ол шайқаста қанша жараланса да шыдап, қатарға қайта қосылып отырған. Ардагер марапатталған 7 орден соның дәлелі деуге болады. №44 Қызыл тулы Полоцк мотоат­қыштар полкының командирі ма­йор Бибин мен оның саяси жұмыс жөніндегі орынбасары капитан Балакарский берген мінезде­ме­лерде Әлжанның екі ерлігі айрықша аталыпты. 

Бірі - Шауляу-Добэл түбіндегі шай­қас. Сол ұрыста батарея ко­ман­дирі, лейтенант Ә.Жалғасбаев артиллериялық атыстың үздік ше­берлігі мен көзсіз ерлік үлгісін көр­сетті делінген. Яғни қорғанысты бұзып кірген жау танкистерін кейін шегіндірген Әлжанның бөлімше­сін­дегі артиллерист-атқыштарға Кеңес Одағының Батыры атағы беріл­се, ардагерімізге I дәрежелі Ұлы Отан соғысы ордені табыста­лыпты. 

Ал екіншісі - Шығыс Пруссия­дағы Кенигсберг қаласын алу шай­қасы. Алғашында бұйрық бойынша Тильзат түбіндегі 2746 метрлік асуды алулары керек болған. Сол ұрыста немістердің бір батареясын түгелімен басып алған Әлжан жа­уын­герлері апанына шегінген жа­удың өз снарядын өзіне жаудырған. Мінездеме дерегінше, Ә.Жалғас­баев ұрыс қорытындысымен Ленин орденіне ұсынылған екен. Алайда соғыстың соққысынан болар, бү­гінде наградалар арасында бұл ор­ден жоқ. Сонымен, 1941-1945 жыл­ғы сұрапыл соғысты ардагеріміз 3 Ұлы Отан соғысы, 2 Қызыл жұл­дыз, Александр Невский және жау­ын­герлік Қызыл ту орден­дерімен, 3 медальмен аяқтапты.

Ғұмыры ерлікпен өткен Әлжан Жалғасбаев өмірінің соңына дейін Тасбөгет ауылындағы №11 орта мектепте шәкірттеріне әскери-па­триоттық тәрбие берумен айна­лы­сып келген. Тағдырдың жазуы­мен ардагер 75 жасында 1995 жылдың желтоқсан айында дүниеден озған деп жазады «Айқын» газеті.