«Қазіргі таңда 12 өңірлік музей күрделі қайта жөндеу жұмыстарын қажет етеді. Ә. Қастеев атындағы мемлекеттік өнер музейі, Шығыс-Қазақстан облыстық этнографиялық және табиғи-ландшафтық музей-қорығы, Ықылас атындағы халықтық музыка аспаптары музейі, Ақтөбе облыстық өнер музейі, Қарағанды облыстық тарихи-өлкетану музейі, Қарағанды облыстық бейнелеу өнері музейіне инфрақұрылымдық бағытта күрделі жөндеу жұмыстары жүргізілді», - деді министр. 

Министр сонымен қатар музейлердің интернет желісіне қосылуы мен көрсетілген қызметтен түскен табыстары және нормативтік құқықтық базасы жайлы да атап өтті. 

«Интернет желісіне қатынау мүмкіндігі бар музейлер саны – 170. Ал, көрсетілген қызметтерден түскен табыстар 252 533,7 мың теңгені құрайды. Сондай-ақ, музей ісі, тарихи-мәдени мұра объектілерін қорғау және пайдалану саласының нормативтік-құқықтық базасы «Мәдениет туралы» Қазақстан Республикасының 2006 жылғы 15 желтоқсандағы Заңы және «Тарихи-мәдени мұра объектілерін қорғау және пайдалану туралы» Қазақстан Республикасының 1992 жылғы 2 шілдедегі Заңы арқылы реттеледі», - деді А.Мұхамедиұлы. 

Айта өтейік, осыған дейін хабарлағанымыздай министр еліміздегі музейлердің қызметіне көңілі толмайтынын да айтқан болатын.