Қазақстандық кәсіпкер әрі меценат Нұрлан Смағұлов негізін қалаған Алматының жаңа мәдени нысаны – Almaty Museum of Arts ресми түрде 2025 жылғы 12 қыркүйекте көпшілікке ашылады.

Музей директоры Татьяна Ходжаеваның айтуынша, көрме алаңы әр адамға қолжетімді болады.

«Қарапайым билет құны – 2000 теңге. Сонымен қатар, оқушыларға, студенттерге және зейнеткерлерге арналған жеңілдетілген билеттердің құны – 500 теңге. Ал мектеп жасына дейінгі балалар, мүмкіндігі шектеулі жандар және ардагерлер үшін – кіру тегін. Біз әрбір адамның осындай көркем әрі ерекше кеңістікті тамашалауға мүмкіндігі болғанын қалаймыз», – деді ол.

Almaty Museum of Arts келушілерді сейсенбіден жексенбіге дейін сағат 11:00-ден 20:00-ге дейін қабылдайды. Билеттерді музейдің ресми сайтынан сатып алуға болады.

Музей ғимаратын Ұлыбританияның Chapman Taylor сәулет бюросы жобалаған, ал құрылыс жұмыстары 2022 жылдан бері жүргізілді.