Мэй Маск ханымға музей қызметкерлері экскурсия жүргізіп, 50-ден астам ұлттың музыкалық аспабын таныстырды.
Ықылас атындағы халық музыкалық аспаптар музейі – Алматы қаласы тұрғындары мен қонақтарының қызығушылығына ие болған музейлердің бірі. Музей 1981 жылы құрылған. Қорында 1 мыңнан астам музыкалық аспап бар.
Экскурсия кезінде «Steppe Sons» модерн этно-джаз тобы қонақтарға өнер көрсетті.
Мэй Маск ханым Алматы қаласы музейлер бірлестігі директоры Сағындықова Ләззат Құдайбергенқызына алғыс білдіріп, тарихи-мәдени мұраны насихаттаудағы музейдің жұмысына сәттілік тіледі.
Айта өтейік, АҚШ кәсіпкері, миллиардер Илон Масктың анасы Мэй Маск Алматыда өтетін «Be Woman» форумына қатысу үшін келген болатын.
