Шараға сыртқы істер министрлігі, мәдениет және спорт министрлігі, Мәдениеттер мен діндердің халықаралық орталығы, Сенат аппаратының басшылары қатысты.
Кеңеске қатысушылар Мемлекет басшысы Нұрсұлтан Назарбаевтың «Рухани татулық пен келісімді дамытуға және нығайтуға қосқан үлесі үшін сыйлығын», Әлемдік және дәстүрлі діндер лидерлері Съезінің Құрмет белгісін тағайындау, сондай-ақ Астанада Бейбітшілік және келісім музейін ашу бастамаларын іске асырудың тұжырымдамалық және ұйымдастыру мәселелерін қарады.
Қ.Тоқаев Мемлекет басшысы мен діни лидерлерге тиісті ұсыныстарды мезгілінде енгізу үшін осы бағытта әзірлік жұмыстарын аяқтауды тапсырды.
