Музей салынатын орын ретінде қаладағы «Нұр-Мүбәрак» ислам орталығының аумағынан жер телімі қарастырылған.
Жобаның құны мен мердігерлердің есімі әзірге белгісіз. Қазіргі уақытта испандық архитектор Карлос Ферратердің жетекшілігімен жобаның тұжырымдамалық бөлігі таныстырылды.
Айта өтейік, қазан айының соңында Алматының Қала құрылысы кеңесі Бостандық ауданының аумағында халықаралық деңгейдегі музей салу жөніндегі әлеуметтік жобаны ұсынған болатын. «Museum of Modern Art» ҚҚ-ның осы жобаны жасаушылары туризмнің халықаралық орталығы болып табылатын қаланың беделін одан әрі көтеруді көздейді.
