Шараға ҚР Парламенті Сенаты мен Мәжілісінің депутаттары, еліміздегі шетелдердің елшілері, мемлекет және қоғам қайраткерлері қатысады.
Кеш барысында Ғазиза Жұбанова атындағы мемлекеттік ішекті аспаптар квартеті өнер көрсетеді. Сонымен қатар, аталған квартеттің музыкалық альбомы таныстырылады.
Музей жанындағы «Халық қазынасы» ғылыми-зерттеу институты Тәуелсіздіктің 25 жылдығына орай 25 ұлттық тағамды келушілердің назарына ұсынады. Кеш соңында қонақтар ұлттық тағамдардан дәм татады.
