Анонс


Ұлттық музейдің алтын және күміс бұйымдарының топтамасы арнайы каталог ретінде жарыққа шықты (ФОТО) Таңдаулы

Сәрсенбі, 07 Қыркүйек 2016 22:38
Ұлттық музейдің алтын және күміс бұйымдарының топтамасы арнайы каталог ретінде жарыққа шықты (ФОТО) KAZMUSEUM.KZ -  

Қазақстан Республикасы Ұлттық музейінде «Халық қазынасы» ғылыми-зерттеу институтының ұйымдастыруымен «Ғасырлар алтыны. Ұлттық музейдің алтын және күміс бұйымдарының топтамасы» және «Ұлттық музей топтамасындағы қазақтың зергерлік өнері» атты екі каталог «Қазына» сериясымен басылып шығарылды, деп хабарлайды kazmuseum.kz сайты.  

Салтанатты түрде тұсауы кесілген каталогтарға Қазақстан Республикасы Ұлттық музейінің экспозициясында маңызды орын алатын көне заманның теңдессіз жауһарларының суреттері топтастырылған. Бұдан бөлек тұсаукесер рәсіміне арналған арнайы ашық хаттар да жарық көрді.

Ақан Оңғар, «Халық қазынасы» ғылыми-зерттеу институтының басшысы:

-  «Халық қазынасы» ғылыми-зерттеу институты халқымыздың ұлттық мұрасы болып табылатын алтын мен күмістен әзірленген түрлі зергерлік бұйымдарды топтастырып иллюстрациялы каталог шығару арқылы Қазақстанның ежелгі және орта ғасырлардағы тарихы мен мәдениетіне қатысты деректерге көз жүгіртіп, толыққанды талдау жасап, ғылыми айналымға енгізбек ниетте, - деді. 

Ұлттық музей директоры Дархан Мыңбай каталогты құрастырған  «Халық қазынасы» ғылыми-зерттеу институтының қызметкерлеріне алғыс білдірді. «Қазақ тарихында зергерлік өнердің орны мүлде бөлекше болған. «Зер» сөзі парсыша «алтын» деген мағына береді. Дәстүрлі қолөнер шеберлері біздің тарихымызға көшпенділер салтында ер-әйел, үлкен-кішінің өз дәрежесін, жасын, ортасын белгілейтін айқын мұраларын қалдырды», – деп  жарық көріп отырған каталогтардың тарихи маңызына да тоқталып өтті.

Тұсаукесер рәсіміне Қазақстан Республикасының Тұңғыш Президенті – Елбасы кітапханасының атқарушы директоры Бейсенбай Жұмабеков, саясаттанушы Кенжеболат Жолдыбай сынды т.б зиялы қауым өкілдері қатысып, өздерінің құттықтау лебіздерін білдірді.

Алтын мен күмістен жасалған бұйымдар топтастырылған бұл каталогтар қола дәуірінен орта ғасырларға дейінгі жәдігерлермен танысуға мүмкіндік береді.

 

1349 рет оқылды
comments powered by HyperComments
JoomShaper