Шараның мақсаты - Алаш қозғалысының 100 жылдығын ел өміріндегі маңызды тарихи оқиға ретінде бағалап, жас ұрпаққа насихаттау.
Шара барысында Қазіргі заман тарихы құжаттамасы орталығының қызметкері Л.Қ.Қадырова «Имам Әлімбековтің тарихи тағдыры» тақырыбында мұрағат құжаттарын пайдалана отырып, баяндама жасады.
Семей қаласының облыстық тарихи-өлкетану музейінің қызметкері Г.Ш.Төртенова «Әлихан Бөкейханов және Алаш қаласы» атты тақырыпта ұлы тұлғаның қайраткерлік қызметін Семей қаласымен байланыстыра отырып, құнды деректерге тоқталды. Қатысушылардың назарына деректі фильмдер көрсетілді. Сондай-ақ, тақырыптық кітап көрмесі ұйымдастырылды.
Іс-шараға қала мектептерінің кітапханашылары, музей әріптестері мен колледж студенттері қатысты.
