Қытайлық ғалымдар 200 шаршы метр жерді алып жатқан көне моланың орнын зерттемек. Естеріңізге салайық, адам бойымен бірдей, саздан күйдірілген 8 мыңнан астам сарбаз 2200 жыл бұрын қайтыс болған император Цинь Шихуандидің мәңгі тыныштығын күзетіп тұр. Ол – бүкіл Қытайды біріктіріп, аты аңызға айналған тұлға. О дүниеде де билігін жүргізу үшін өзімен бірге терракот әскерін көмуге бұйрық берген. Мұндағы әр әскердің келбеті тірі адамның түрімен бейнеленген. Және мыңдаған мүсін бір-біріне мүлде ұқсамайды. Бүгінде Сияньдағы бұл археологиялық аймақты жылына миллиондаған турист келіп тамашалайды.
Дереккөз: khabar.kz
